У Вялейцы злачынцы зьнішчылі помнік Расьціславу Лапіцкаму - антысавецкаму падпольшчыку, змагару за незалежнасьць Беларусі. Помнік быў усталяваны вялейскай грамадскасьцю ўвосень 2008 года ва ўрочышчы Красны Беражок, месцы расстрэлу героя. Па ўсталёўцы камень быў асьвечаны праваслаўным сьвятаром зь вёскі Касута, адкуль родам і сам Лапіцкі, а яго бацька таксама быў там праваслаўным сьвятаром. Асаблівая цынічнасьць злачынства ў тым, што здзейснілі яго напярэдадні сьвята Радуніцы.

Помнік быў вывезены ў невядомым кірунку. Шукаюцца відавочцы злачынства. Калі хтосьці можа паведаміць пра дакладны час ці людзей, якія гэта зьдзейсьнілі, просьба зьвязацца па сайту ці праз электронную пошту volat2009@gmail.com

Расьціслаў Лапіцкі нарадзіўся 9 верасьня 1928 года ў сям'і праваслаўнага сьвятара на Вялейшчыне ў в. Касута. Растраляны 28 кастрычніка 1950 г. ва ўрочышчы Красны Беражок. У 1948-49-х гг стварыў на Смаргоншчыне й Мядзельшчыне з вучнёўскай моладзі антыбальшавіцкую падпольную арганізацыю. Арганізацыяй выдаваліся антыбальшавіцкія і антысталінскія ўлёткі. У хуткім часе яна была раскрыта, яе сябры, у тым ліку непаўналетнія, атрымалі розныя гады зьняволення. Расьціслаў, як галоўны арганізатар, быў пакараны сьмерцю.